Noong mga panahon ni lolo’t lola, tatay at nanay
kapag nakapagtapos ka daw ng pag-aaral at nakahanap ng magandang trabaho
magiging maganda na daw ang iyong kinabukasan. Subukan mo silang tanungin
ngayon at marahil Oo ang isasagot nila. Pero ikaw naman ang tatanungin ko
ngayon. Sa tingin mo uso pa ba yan ngayon?
Maraming dahilan para sabihing hindi na ata uso ang
kinagisnan ng ating mga magulang para maging maganda ang ating kinabukasan. Eto
ang mga dahilan:
1.)
Maraming
grumagraduate taon-taon
Sabi ng ating mga magulang. “Anak mag-aral ka ng
mabuti, kapag nakapagtapos ka ng pag-aaral, maghanap ka ng trabaho at gaganda
ang buhay mo.” Pero mukhang malabong mangyari yan ngayon. Taon-taon
nadadagdagan ang bilang ng mga grumagraduate sa kolehiyo. Dumadami ang
nag-aaply ng trabaho sa kaunting job opportunities. As a result, iilan lang ang
may trabaho at ang iba naman ay hindi ma-praktis ang kanilang propesyon at kahit
na anong trabaho papasukin maghanap buhay lang. May maganda bang maidudulot eto
sa mga graduates? Paano na ang kanilang kinabukasan?
2.)
Hindi
kailangang college graduate para makuha sa trabaho.
Maraming ng job openings ngayon kahit high school graduate pwede ng
mag-apply at makuha sa trabaho. Trabaho na tulad ng call-center agents, service
crews, agents, at marami pang iba. Kinakailangan lang ng mga necessary skills
na angkop sa trabahong inaaplyan. Nagsasagawa naman ang kumpanya ng orientation
at on-the-job-trainings bago masabi na talagang tanggap na sa trabaho. Kaya sa
panahon ngayon kahit hindi ka nakapagtapos ng kolehiyo pwede kang magtrabaho.
3.)
Unti-unting
nilalamon ngayon ng mga makabagong teknolohiya ang iilang trabaho.
Panahon na ngayon ng Information Age. Karamihan ng ibat-ibang kumpanya
at industriya sa buong mundo ay gumagamit na ng computers at makabagong gadgets
para mapabilis ang trabaho at limitahan na ang bilang ng mga empleyadong
nagtratrabaho.
Kaunti na lamang ang nagtratrabaho sa bangko ngayon kaysa noon. Kung
dati hilera ang mga tellers na pupuntahan mo, ngayon ATM machines na ang
haharapin mo. Kung dati kailangan ng surgeons sa operating room, ngayon mayroon
ng mga ospital na gumagamit ng robotics para magsagawa ng operasyon. Kung dati
libo-libong factory workers ang nagtratrabaho sa isang pagawaan, ngayon
machineries na ang gumagawa ng ilan nilang trabaho, ilan lang yan sa mga trabahong
inaangkin na ng teknolohiya. Hindi magtatagal lahat ng uri ng propesyon ay
aasikasuhin na ng computers at mga robots. Paano na ang mga kasalukuyang
nag-aaral ngayon at sa mga gragraduate na hindi na linya ang kanilang
pinagaralan sa Information Age? Isa nanaman ba
etong kamot sa ulo?
Kung nagustuhan mo at may natutunan ka sa blog kong eto. Please click LIKE and pwede kang magcomment below. Kagustuhan ko pong malaman ang iyong opinyon.
No comments:
Post a Comment